Там звіняць неўміручыя песні на поўныя грудзі,
Там спрадвеку гучыць мая мова, булатны клінок.
Тая гордая мова, якую й тады не забудзем,
Калі сонца з зямлёю ў апошні заглыбяцца змрок.
Уладзімір Караткевіч
У Рэспубліцы Беларусь праходзіць Тыдзень роднай мовы “Як ты дорага мне, мая родная мова!”.
З 19 па 23 верасня 2022 года ў дзяржаўнай установе адукацыі "Дашкольны цэнтр развіцця дзіцяці г.Барысава" таксама прайшоў Тыдзень беларускай мовы "Як ты дорага мне, мая родная мова!" Напрацягу ўсяго тыдня ва ўстанове гучала родная беларуская мова. З выхаванцамі праводзіліся разнастайныя мерапрыемствы: заняткі, гульні, інсцэніроўкі беларускіх казак (“Коцік, пеўнік і лісіца”, “Зайкава хатка”), забавы, чытанне вершаў і казак, знаемства з памятнымі мясцінамі і вядомымі людзьмі нашай краіны, арганізаваны прагляд мультыплікацыйных фільмаў пра гісторыю нашага роднага горада і беларускага народа “Слаўны князь Барыс”, “Глебавы камні”, “Адкуль пайшлі беларусы?”, зробленымі выхаванцамі дашкольнага цэнтра ў дзіцячай студыі анімацыі “Мультыфокус”. Выхаванцы з захапленнем удзельнічалі ва ўсіх мерапрыемствах і дзяліліся ўраджаннямі са сваімі сябрамі і бацькамі.